Þú ert hér: Landnemi.is » category » starfid » page » Starfið
Sarpur fyrir ‘Starfið’ flokk.
Félagsútilega í mars
Sunnudagur 26. febrúar 2012
Loksins, loksins FÉLAGSÚTILEGAN!
Landnemar blása til félagsútilegu 9. – 11. mars n.k. að okkar eigin Úlfljótsvatni.
Lagt verður af stað frá skátaheimilinu að Háuhlíð 9 föstudag kl. 19:30 og áætluð heimkoma er á sunnudag kl.16.
Þátttökutilkynningar og upplýsingar:
karibrynjarsson (hjá ) gmail.com
Spenningur og tilhlökkun er meðal Landnema fyrir útilegunni enda neyddumst við til að fresta henni í janúar vegna veðurofsa og ófærðar.
Sjáumst kát í félagsútilegunni!
Skráð í Fundir, Starfið, Útilegur | Lokað fyrir athugasemdir
Aðalfundi frestað!
Sunnudagur 19. febrúar 2012
Af óviðráðanlegum orsökum hefur verið ákveðið að fresta aðalfundinum sem átti að vera 20.2. til 13. 3. kl. 20:00. Stjórnin.
Skráð í Starfið | Lokað fyrir athugasemdir
Hátíðarkvöldvaka 22. febrúar
Sunnudagur 19. febrúar 2012
Næsta miðvikudag munu skátar um allan heim fagna fæðingardegi Baden Powell stofnanda skátahreyfingarinnar.
Það ætlum við Landnemum líka að gera með því að halda hátíðarkvöldvöku í skátaheimilinu okkar. Kvöldvakan byrjar klukkan 17:00 og er til 18:30. Allir Landnemar, ungir sem aldnir sem sjá sér fært að mæta eru að sjálfsögðu hjartanlega velkomnir.
Skráð í Starfið | Lokað fyrir athugasemdir
Upplýsingafundur um Landsmót skáta 2012
Fimmtudagur 9. febrúar 2012
Til skáta, foreldra og / eða forráðamanna skáta.
Upplýsingafundur um Landsmót skáta 2012
verður haldinn 12. febrúar n.k. kl.12
í Skátaheimili Landnema að Háuhlíð 9.
Dagana 20. – 29. júlí n.k. verður haldið Landsmót skáta að Úlfljótsvatni. Landsmót halda skátarnir að jafnaði á þriggja ára fresti. Þá er spenningur og eftirvænting mikil en mótin eru jafnan hápunktur í starfi sérhvers skáta, enda upplifunin einstök, – útivera, vinátta, leikur og söngur. Í ár er metnaður er óvenju mikill því á þessu ári fagnar íslenska skátahreyfingin 100 ára afmæli sínu. Landsmót skát 2012 verður því einstakt mót og sérstakt tækifæri gefst fyrir skáta landsins sem þeir munu muna alla ævi. Skátar alls staðar af landinu munu sækja mótið auk mikils fjölda erlendra skáta.
Undirbúningur félagsins er þegar hafinn og hefur fararstjórn verið skipuð. Fararstjóri verður Sigurgeir Bjartur Þórisson, reyndur skáti og foringi í Landnemum. Með honum í fararstjórninni verða lþrír aðrir foringjar, Hulda Rós Helgadóttir, Kári Brynjarsson og Ísabella Katarína Márusdóttir. Þau þrjú fyrsttöldu sitja eða hafa setið í stjórn félagsins.
Landnemar boða hér með til upplýsingafundar fyrir skáta, foreldra og forráðamenn skáta. Fundurinn verður haldinn sunnudaginn 12. febrúar í skátaheimili Landnema að Háuhlíð 9 og hefst stundvíslega kl. 12:00. Reiknað er með að fundurinn standi í eina klukkustund. Á fundinn mæta fararstjórar og forráðamenn félagsins auk fulltrúa frá Landsmótsstjórn og veita allar frekari upplýsingar. Farið verður yfir sem flesta þætti sem við koma þátttöku í mótinu, dagskrá, útbúnað, fjáröflunarleiðir og annað fyrirkomulag.
Landnemar leggja áherslu á að allir foreldrar og forráðamenn mæti á þennan fund því hér er um mikilvæg mál að ræða fyrir skátana okkar sem aðeins verður vel unnið með góðri samvinnu og miðlun upplýsinga.
Sjáumst í Háuhlíðinni sunnudaginn 12. febrúar.
Með skátakveðju,
Arnlaugur Guðmundsson
félagsforingi.
Skráð í Starfið | Lokað fyrir athugasemdir
FÉLAGSÚTILEGU FRESTAÐ!
Föstudagur 27. janúar 2012
Ákvörðun hefur verið tekin í samráði við félagsforingja að fresta félagsútilegunni að Úlfljótsvatni.
Meginástæðan er óöryggi á vegum, óvissa um færð og komandi veðurhamur. Á þessu augnabliki eru allar leiðir lokaðar úr Reykjavík og munu verða um óákveðinn tíma, þótt kannske rætist úr með Þrengslin í kvöld.
Auk þess er færðin slæm á vegum austur úr og í Grímsnesinu og miklar hálkur.
Einnig er vond veðurspá og að muni bætast í veður aðfararnótt sunnudags.
Það er ábyrgðarhluti að halda ferðinni til streitu, þótt hraustir skátar séu á ferð, drekaskátar, fálkaskátar, dróttskátar og róverskátar – stundum þarf meiri kjark til að hopa fyrir aðstæðum en að halda áfram.
Útilegunni er semsagt frestað fram í byrjun mars og verður nánar tilkkynnt síðar. Þeir sem þegar hafa greitt þátttökugjald fá að sjálfsögðu endurgreitt.
Nú er um að gera að láta skilaboðin berast.
Við skulum ekki svekkja okkur, – njótum helgarinnar.
Landnemar.
Félagsútilega Úlfljótsvatni.
Föstudagur 20. janúar 2012
Helgina 27. – 29. janúar ætlum við Landnemar að fara í félagsútilegu á Úlfljótsvatni. Mæting er niðrí skátaheimili klukkan 19:30 á föstudaginn og áætluð heimkoma er á sunnudaginn um klukkan 16:00.
Útilegan er fyrir alla krakka í félaginu og kostar 8.000 kr. á mann ( Ef fleiri en 30 skrá sig náum við að lækka verðið niður í 7000 kr.). Innifalið í því verði er: Matur alla helgina ( heitur kvöld- og hádegismatur ásamt morgunmat, kaffi, og kvöldsnarli ), rúta báðar leiðir, gisting ásamt allri aðstöðu sem Úlfljótsvatn hefur uppá að bjóða.
Ef þú ætlar að koma þarf að skrá sig með því að senda póst á
karibrynjarsson@gmail.com Í póstinum þarf að vera nafn skáta og hvaða sveit hann starfar í.
Við minnum alla foreldra á foreldrafundinn sem verður haldinn miðvikudaginn 25.jan klukkan 20:00 þar sem við munum segja frá helstu atriðum ferðarinnar og einnig munum við svara spurningum sem brenna a vörum ykkar. Fundurinn er aðalega hugsaður fyrir foreldra en að sjálfsögðu geta skátarnir komið með og ef foreldrar komast ekki er gott að skátinn mæti.
Vonumst til að sjá sem flesta 
Hér má finna útbúnaðarlista, en einnig verður honum dreift á foreldrafundinum
Skráð í Starfið | Lokað fyrir athugasemdir
Gleðilegt nýtt ár !
Sunnudagur 8. janúar 2012
Nú fara fundir að hefjast að nýju eftir jólafríið. Fundirnir eru á sama tíma og áður, eða eins og sést á myndinni hér fyrir neðan. Fundirnir byrja í næstu viku ( 9.-13. jan )
Svo næsta mánudag verður haldið uppá afmæli Landnema og að sjálfsögðu er öllum Landnemum boðið þangað. Afmælið byrjar klukkan 17:00 og er í einn og hálfan tíma. Þetta verður í rólegri kantinum og boðið verður uppá kakó og farið í nokkara vel valda leiki.
Skráð í Starfið | Lokað fyrir athugasemdir
Frábær Félagsútilega að baki!
Þriðjudagur 1. nóvember 2011
Núna um síðustu helgi fóru tæplega 30 Landnemar í félagsútilegu í Ölveri. Ferðin gekk mjög vel og ekki var annað að sjá en að allir færu heim með bors á vör. Flokkarnir völdu sér dagskrá fyrir útileguna og meðal dagskráliða sem voru í boði var kistugerð, fánagerð, undirbúningur fyrir hátíðarkvöldverð, fjársjóðsleit og tónlistarpóstur. Flokkurinn Fenrisúlfar í sveitnni Sleipni voru meðal þáttakenda á tónslistarpóstinum. Þeir skiluðu af sér þessu frábæra lagi sem heitir “Fenrisúlfar feat. ÞossiPow” þar sem skátaforinginn þeirra, Þorsteinn, rappar meðal annars skátaheitið. Lagið naut mikilla vinsælda í félagsútilegunni og hér viljum við leyfa ykkur sem heima sitjið að njóta þess líka.
Takk fyrir góða útilegu!
Fenrisúlfar feat. ÞossiPow
Hvert sem ég fer,
sé ég bara skáta.
kveikja eld og
Tjalda tjöldum.
Við lærum á prímus og
súrrum líka,
heitum Fenrisúlfar og
það er okkar klíka
Ekki er allt eins og er,
ég kveiki eld eins og
Vera ber.
Ég lofa að gera það sem í mínu valdi stendur til þess;
að gera skyldu mína við Guð og ættjörðina
að hjálpa öðrum og
að halda skátalögin
VINÁTTA
SAMSTAÐA
GÖMUL GILDI OG
BÆTT SAMFÉLAG
Lag: Kristinn Arnar
Texti: Fenrisúlfar
Skráð í Starfið | Lokað fyrir athugasemdir
Félagsútilegan nálgast
Mánudagur 24. október 2011
Skráning í útileguna er enn í fullum gangi og fer hún fram hér. Skráningu lýkur 27. október.
Frekari upplýsingar er að finna hér fyrir neðan.
Skráð í Starfið | Lokað fyrir athugasemdir