Sumardagurinn fyrsti!  – Hátíðarhöld Landnema í ár fara fram á Klambratúni.

Þar verða Landnemar með útilæti og hamagang. frá kl. 13. Þetta verður skemmtilegt. Við reisum tjöld og verðum með hoppukastala, klifurgræjur og útileikföng. Jafnvel verður boðið upp á eldun matarkyns gegn vægu gjaldi í fjáröflunarskyni fyrir þátttakendur á Landsmót skáta í sumar. Gestir okkar verða skátafélagar okkar úr Skjöldungum.

Landnemar munu því hvorki vera með næturgistingu í Hlíðinni, né  fara í skipulega skrúðgöngu til kirkju þennan dag, en hefðbundinn sumarfagnaður (skátamessa) verður að sjálfsögðu í Hallgrímskirkju kl. 11. Við hvetjum alla sem vilja, til að vera þar.

Viðburðurinn á Klambratúninu er haldinn í samvinnu við SAMTAKA  samstarfsvettvang æskulýðsfélaga í hverfinu og verður heilmargt annað um að vera á svæðinu, harmónikuspil, danssýning, boltaþrautir auk þess sem slökkviliðsbílar verða sýndir.

Verið velkomin á Klambratún, gleðilegt sumar!