Fundartímar í haust

Ný heimasíða verður komin í loftið eftir örfáar vikur. Á meðan þá eru þetta helstu upplýsingar fyrir starfið í haust. Endilega sendið póst á landnemi@landnemi.is ef þið eruð með spurningar.

Drekaskátar

Miðvikudagar kl. 17:30-18:45

Fálkaskátar

Þriðjudagar kl. 17:20-19:00.

Dróttskátar

Fimmtudagar kl. 17:45-19:45.

Fjölskylduskátar

2. sunnudag í mánuði kl. 11:00 – 12:00

Árgjaldið er 44.000 kr. Starfið hefst í vikunni 23.- 29. ágúst.

Skráning fer fram á https://www.sportabler.com/shop/landnemar

Sumarstarf

Drekaskátamót

Drekaskátamót verður haldið 5.-6. júní á Úlfljótsvatni þar sem er spennandi aðstaða til leikja og ýmsir dagskrármöguleikar í boði. Mótið er fyrir alla drekaskáta (f. 2011-2013) á landinu og þátttakendur mótsins koma því héðan og þaðan af landinu og frá mörgum skátafélögum. Þema mótsins er “Með sól í hjarta”. Við förum með rútu á mótið og gistum í tjöldum og á dagskránni er t.d. klifur, bátar, vatnasafarí, bogfimi og kvöldvaka. 

 

Landnemar útvega tjöld en skátarnir þurfa að koma með annan búnað. Útbúnaðarlista má sjá hér.


Mótsgjaldið er 5.900 kr. en í því er innifalin öll dagskrá, drekaskátamótsbolur og kvöldmatur og kvöldhressing á laugardagskvöldi. Annan mat þurfa börnin að koma með með sér, þ.e.:

-Hádegismat á laugardegi

-Kaffihressingu á laugardegi

-Morgunmat á sunnudegi

-Hádegismat á sunnudegi

 

Skráning fer fram á skatar.felog.is og er skráningarfrestur til 27. maí. Skátasamband Reykjavíkur sér um rútukostnað þannig að ekkert gjald leggst ofan á mótsgjaldið. Nánari upplýsingar um brottfarartíma koma þegar nær dregur.

 

Mótsstjórn drekaskátamóts hefur gefið út tvær varaáætlanir vegna Covid-19 heimsfaraldursins. Hér eru plönin:

Plan A: Eins og lýst er hér að ofan.

Plan B: Mótinu yrði breytt í dagsferð á Úlfljótsvatni og því yrði ekki gist en skátarnir myndu fá að prófa að fara í klifurturn, bogfimi, báta, vatnasafarí og fleira sem boðið er upp á á venjulegu Drekaskátamóti. Helmingur skátafélaganna myndi koma á laugardegi en hinn helmingurinn myndi koma á sunnudeginum.

Plan C: Mótsstjórnin myndi senda hugmyndir að drekaskátamótsdagskrá og drekaskátamótsboli heim í skátafélögin sem skátafélögin geta nýtt til að halda útilegu eða drekaskátadag heima í félögunum einhvern tímann í sumar þegar aðstæður leyfa.

Landnemamót

Landnemamót verður haldið 12.-13. júní við Hvaleyrarvatn. Þetta er félagsútilega þar sem allir skátar í Landnemum koma saman. Gist verður í tjöldum og fá skátarnir að upplifa ýmis ævintýri í þessari útilegu. Landnemar munu útvega tjöld, mat og dagskrárefni. Þátttakendur þurfa að koma með annan útbúnað, sjá tillögu að útbúnaðarlista hér

Mæting er við Skátalund (kort) kl. 10:00 þann 12. júní. Við hvetjum skátana til þess að sameinast í bíla. Skátarnir skulu vera sóttir á sama stað kl. 14:00 þann 13. júní. 

 

Skráning fer fram á Sportabler og er frítt á mótið fyrir þá sem hafa greitt félagsgjald 2020-2021. Þessi útilega er frábær vettvangur fyrir þá sem eru að fara á Skátasumarið til þess að æfa sig að gista í tjaldi og fara í útilegu. Við hlökkum til að fá loksins að fara í útilegu með þessum flottu skátum! 

 

Skátalundur er skátaskáli eldri skáta í Hafnarfirði sem hafa útbúið útivistarparadís. Við skálann eru flatir þar sem skátar geta farið í útilegur, bálstæði og skógarrjóður og því hentugur fyrir flokka- og sveitarútilegur. Hægt er að finna frekari upplýsingar um svæðið hér.

 

Útilegan er skipulögð með þeim fyrirvara að samkomutakmarkanir séu í lagi og hafi ekki áhrif á útileguna. Einnig erum við meðvituð um hættu af gróðureldum og munum skoða stöðuna þegar nær dregur.

 

Skátasumarið

Skátasumarið er skátamót fyrir drekaskáta og eldri og verður haldið á Úlfljótsvatni. Landsmóti skáta 2020 var aflýst vegna COVID-19 og þetta mót kemur í stað þess.

 

Gjaldið sem þarf að greiða fyrir mótið er 39.000 kr. en innifalið í því er gistiaðstaða, dagskrá, matur og einkenni. Það gæti þó verið að eitthvað gjald leggist ofan á mótsgjaldið vegna sameiginlegs búnaðar Landnema og rútu. Systkinaafsláttur af mótsgjaldinu er 25% og er veittur af þátttökugjöldum vegna þáttöku barna umfram eitt. 


Frekari upplýsingar koma von bráðar! Hægt er að skoða nánari upplýsingar um mótið á heimasíðu mótsins http://skatamot.is/.

 

Engir fundir til 15. apríl

Vegna gildandi samkomutakmarkanna í samfélaginu verða engir skátafundir þangað til annað kemur í ljós. Þessar takmarkanir gilda a.m.k. til og með 15. apríl.

Í staðinn mælum við með því að skoða þessi verkefni og prófa þau heima!

Ný stjórn

Aðalfundur Skátafélagsins Landema var haldinn þann 25. febrúar. Á fundinum var Hulda María Valgeirsdóttir kjörin nýr félagsforingi Landnema og lauk þar með félagsforingjatíð Arnlaugs Guðmundssonar. Við þökkum Arnlaugi Guðmundssyni innilega fyrir mikil og vel unnin störf í þágu félagsins en Landnemar munu áfram njóta krafta hans því hann mun áfram sitja í stjórn Landnema.

Ragna Rögnvaldsdóttir ritari og Þóra Björk Elvarsdóttir gjaldkeri gengu úr stjórn og þeim þökkum við fyrir vel unnin störf.

Nýkjörin stjórn Landnema:
Hulda María Valgeirsdóttir, félagsforingi.
Védís Helgadóttir, aðstoðarfélagsforingi.
Arnlaugur Guðmundsson, gjaldkeri.
Ragnheiður Ásta Valgeirsdóttir, ritari.
Magnús Jónsson, meðstjórnandi.

Heill, gæfa, gengi!

Skátasumarið

Kæru Landnemar

Nú í sumar átti að vera haldið Landsmót skáta á Úlfljótsvatni – sem átti upprunalega að vera seinasta sumar á Akureyri. Vegna takmarkanna í samfélaginu hefur þessu skipulagi á Landsmóti Skáta verið breytt.

Nú í sumar verða haldin þrjú minni skátamót fyrir skátafélög landsins á Úlfljótsvatni. Hvert félag fær úthlutað sitt tímabil ásamt nokkrum öðrum félögum. Ákveðið var að minnka mótin svo um það bil 100 þátttakendur verða á hverju tímabili.

Landnemar hafa fengið sitt tímabil úthlutað og er það 7.-11. júlí 2021. Þetta verður því tímabilið sem fáum að mæta á Skátasumarið! Önnur félög sem verða á svæðinu með okkur eru Skjöldungar, Klakkur, Eilífsbúar, Vífill, Heiðabúar, Mosverjar og Faxi.

Mótið er opið fyrir öll aldursbil, drekaskáta og eldri. Frekari upplýsingar um mótið munu koma á næstunni en nú fara foringjar félagins á fullt að undirbúa þessa ferð.

Ef einhverjir voru skráðir og búnir að greiða fyrir Landsmót skáta 2020/2021, þá mun það gjald ganga upp í mótsgjaldið á þessu móti.

Takið dagsetningarnar frá, og við hlökkum til að fá loksins að fara í útilegu með ykkur!

Nýtt ár!

Starfið hefst af fullum krafti í vikunni 10.-16. janúar.

Foringjar munu hittast í þessari viku og fara yfir komandi tíma í samræmi við sóttvarnarreglur.

Fálkaskátadagurinn – breytt snið

Á laugardaginn var planið að heimsækja Vífil og halda upp á fálkaskátadaginn.

En í staðinn verður rafrænn viðburður!

Á föstudaginn verður sent út verkefni á alla fálkaskáta sem foringjar félagsins munu senda áfram til ykkar. Fálkaskátarnir senda svo inn lausnir á verkefninu og fara í lukkupott!

Á laugardeginum, 7. nóvember, kl 17:00 verður svo rafrænt BINGÓ sem Vífill stendur fyrir.

Þarf gefst fálkaskátum tækifæri á að „hittast“ og taka þátt í skemmtilegum viðburði fyrir þau.

Hér er svo linkur á BINGÓIÐ:https://us02web.zoom.us/j/88139961658…
Meeting ID: 881 3996 1658. Passcode: 268522.

Endilega látið orðið berast!

Fundir falla niður til 19. október

Kæru foreldrar og forráðamenn

Eftir blaðamannafundinn í dag hefur sú ákvörðun verið tekin að hvetja skátafélög til að færa alla fundi á netið til 19. október. Því munu engir skátafundir verða í Landnemum í næstu viku 12.-17. október.

Í staðinn ætlum við að deila inn fréttum á heimasíðuna okkar með verkefnum sem skátarnir geta unnið heima. Við bendum sérstaklega á Stuðkví verkefnin hér.

Einnig eru tveir viðburðir á næstunni en það verður Fjölskyldukakókviss þann 15. október og skátamót á netinu, Jota-Joti, 16.-18. október. Hægt er að finna frekari upplýsingar um þessa viðburði hér.

Pössum upp á hvort annað og förum varlega. Skátakveðja heim til allra!

Ef það eruð með einhverjar spurningar eða ábendingar endilega hafið samband á landnemi@landnemi.is.

Skátaverkefni til að vinna heima

Hér að neðan má finna fimm verkefni úr Stuðkví pakkanum sem var gefinn út af Bandalagi íslenskra skáta í vor. Við munum setja inn nokkrar færslur með fimm verkefnum sem skátarnir geta unnið heima. Ef skátarnir klára 10 verkefni, þá vinna þeir sér inn sérstakt Stuðkví merki! Við hvetjum alla til þess að finna sér verkefni, og þá sérstaklega dreka- og fálkaskáta, og vinna þau heima!