Dagsferð drekaskáta

Ágætu foreldrar og forráðamenn

Fyrsta dagsferð drekaskátasveitarinnar Huginn og Muninn, verður laugardaginn 3. október 2020. Mæting er í skátaheimilið, Háuhlíð 9, kl. 10:00. Við munum taka strætó á útivistarsvæðið í Gufunesbæ og fara í dagskrá þar. Áætluð heimkoma til baka í skátaheimilið er klukkan 15:30.

Dagskrá dagsferðarinnar er fyrst og fremst að vígja þá sem eru nýir inn í skátahreyfinguna. Þeir munu því fá skátaklút og drekaskátamerki til að setja aftan á klútinn. Þeir sem eru nú þegar vígðir fá nýtt drekaskátamerki.

Mikilvægt er að skátarnir komi vel klæddir til útiveru og með nesti. Við munum bjóða upp á grillaðar pylsur í hádegismat, svo ef það eru einhverjir sem eru grænmetisætur eða með ofnæmi/óþol þá endilega látið okkur vita.

Ferðin er innifalin í félagsgjaldi félagsins og því er ekki sérstakt gjald í ferðina en skilyrði fyrir þátttöku er að félagsgjöld séu í skilum. Sjá upplýsingar um 
félagsgjöld á heimasíðu félagsins: https://www.landnemi.is/starf/felagsgjald/.
Skráning í félagið og í dagsferðina fer fram á Sportabler.

Hlökkum til að sjá ykkur!
Drekaskátaforingjar

Landnemar óska eftir starfsmanni

Skátafélagið Landnemar óskar eftir öflugum einstaklingi í krefjandi og skemmtilegt starf starfsmanns skátafélagins. Skátafélagið er með fjölbreytt og spennandi starf fyrir börn á aldrinum 8-25 ára. Við leitum að einstaklingi sem er skapandi, sjálfstæður, skipulagður og sniðugur.

Helstu verkefni:

  • Halda utan um skráningar
  • Sjá um tölvupóst og halda utan um samskipti við foreldra
  • Vera stuðningur við foringja
  • Viðvera á fundatímum
  • Annast innkaup

Hæfniskröfur:

  • Vera með bílpróf
  • Almenn tölvukunnátta
  • Skipulagshæfni og sjálfstæði í vinnubrögðum
  • Reynsla af stjórnun og mannaforráðum er kostur
  • Reynsla af skátastarfi eða öðru æskulýðsstarfi er mikill kostur

Aðrar kröfur:

  • Hreint sakavottorð

Frekari upplýsingar veitir Arnlaugur Guðmundsson, félagsforingi skátafélagsins á felagsforingi@landnemi.is, s. 6474746

Umsóknir skulu berast á landnemi@landnemi.is. Umsóknarfrestur er til 15. september 2020.

FUNDARTÍMAR VETURINN 2018-19

Nú fer vetrarstarfið hjá okkur á fullt þann 5. september, skráninging er hafin, sjá krækjuna hér til vinstri. Foringjarnir okkar eru á fullu að skipuleggja starfið og hlakka til að sjá nýja og gamla skáta eftir nokkrar vikur.
Allir fundir fara fram í skátaheimilinu okkar, Háuhlíð 9, 105 Reykjavík.
Hlökkum til að sjá og heyra í ykkur en ef einhverjar spurningar vakna er hægt að hafa samband við okkur á facebook síðunni eða á landnemi@landnemi.is.

Huginn & Muninn (7-9 ára)
Fimmtudögum kl. 17:15 – 18:15

Þórshamar (10-12 ára)
Miðvikudögum kl. 17:15 til 18:45

Víkingar (13-15 ára)
Fimmtudögum kl. 19:30-21:00