Kertasala Landnema

Skátar í skátafélaginu Landnemum bjóða þér að kaupa gæðakerti fyrir jólin og styrkja þannig öflugt skátastarf á árinu 2025. Þar ber hæst ferð Landnema á Brekkuleguna, alþjóðlegt skátamót í Færeyjum næsta sumar. Elstu fálkaskátum og eldri stendur til boða að taka þátt í þeirri ferð. Öllum stendur til boða fjölbreytt starf hér innanlands.

​​

Pöntunar- og greiðsluferlið

1. Kaupendur panta kerti hjá skátanum og greiða skátanum fyrir þau. 

2. Skátinn sendir pöntun til félagsins sem kemur henni áfram til framleiðanda.

3. Skátinn fær afhend kertin í vikunni eftir að félagið sendir inn pöntun
   (2. des. og 9. des.).

4. Skátinn dreifir kertunum til sinna kaupenda.

​

Gæðakerti
Kertin eru gerð úr 100% brennsluvaxi og svo lituð. Það gerir að verkum að brennslutími kertanna er mjög langur og kertin haldast falleg þar sem lítið sem ekkert rennur til á þeim. Kerti hafa verið framleidd hjá PBI svo áratugum skiptir. Kertin eru framleidd úr endurunnu vaxi og því mjög umhverfisvæn. Kertin eru framleidd hjá Plastiðjunni Bjargi Iðjulundi (pbi.is) á Akureyri sem í áratugi hefur skapað störf fyrir fólk með skerta starfsorku.