Kæru Landnemar

Nú í sumar átti að vera haldið Landsmót skáta á Úlfljótsvatni – sem átti upprunalega að vera seinasta sumar á Akureyri. Vegna takmarkanna í samfélaginu hefur þessu skipulagi á Landsmóti Skáta verið breytt.

Nú í sumar verða haldin þrjú minni skátamót fyrir skátafélög landsins á Úlfljótsvatni. Hvert félag fær úthlutað sitt tímabil ásamt nokkrum öðrum félögum. Ákveðið var að minnka mótin svo um það bil 100 þátttakendur verða á hverju tímabili.

Landnemar hafa fengið sitt tímabil úthlutað og er það 7.-11. júlí 2021. Þetta verður því tímabilið sem fáum að mæta á Skátasumarið! Önnur félög sem verða á svæðinu með okkur eru Skjöldungar, Klakkur, Eilífsbúar, Vífill, Heiðabúar, Mosverjar og Faxi.

Mótið er opið fyrir öll aldursbil, drekaskáta og eldri. Frekari upplýsingar um mótið munu koma á næstunni en nú fara foringjar félagins á fullt að undirbúa þessa ferð.

Ef einhverjir voru skráðir og búnir að greiða fyrir Landsmót skáta 2020/2021, þá mun það gjald ganga upp í mótsgjaldið á þessu móti.

Takið dagsetningarnar frá, og við hlökkum til að fá loksins að fara í útilegu með ykkur!

Starfið hefst af fullum krafti í vikunni 10.-16. janúar.

Foringjar munu hittast í þessari viku og fara yfir komandi tíma í samræmi við sóttvarnarreglur.

Komið sæl,

Næstkomandi mánudag 14. desember átti að halda sameiginlegan jólafund fyrir allar sveitir Skátafélagsins Landnema. En honum verður aflýst og reynt verður að halda annan viðburð á nýju ári.

Síðustu fundir fyrir jól eru núna í vikunni 7. – 13. desember og sjáumst við hress og kát á komandi ári!

Með ósk um gleðilega hátíð,
Skátafélagið Landnemar

Skátafundir hefjast á ný eftir sóttvarnarhlé í þessari viku 23. – 27. nóvember. Fundirnir verða að mestu leyti haldnir utandyra. Við hvetjum fólk til að muna eftir persónubundnum sóttvörnum. Einnig biðjum við foreldra ekki að koma inn í skátaheimilið.

Foringjarnir hlakka til að sjá ykkur!

Á laugardaginn var planið að heimsækja Vífil og halda upp á fálkaskátadaginn.

En í staðinn verður rafrænn viðburður!

Á föstudaginn verður sent út verkefni á alla fálkaskáta sem foringjar félagsins munu senda áfram til ykkar. Fálkaskátarnir senda svo inn lausnir á verkefninu og fara í lukkupott!

Á laugardeginum, 7. nóvember, kl 17:00 verður svo rafrænt BINGÓ sem Vífill stendur fyrir.

Þarf gefst fálkaskátum tækifæri á að „hittast“ og taka þátt í skemmtilegum viðburði fyrir þau.

Hér er svo linkur á BINGÓIÐ:https://us02web.zoom.us/j/88139961658…
Meeting ID: 881 3996 1658. Passcode: 268522.

Endilega látið orðið berast!

Vegna tilmæla sóttvarna falla skátafundir niður þangað til ný tilmæli berast.

Endilega skoðið heimaverkefnin sem eru hér að neðan.

Kæru foreldrar og forráðamenn

Eftir blaðamannafundinn í dag hefur sú ákvörðun verið tekin að hvetja skátafélög til að færa alla fundi á netið til 19. október. Því munu engir skátafundir verða í Landnemum í næstu viku 12.-17. október.

Í staðinn ætlum við að deila inn fréttum á heimasíðuna okkar með verkefnum sem skátarnir geta unnið heima. Við bendum sérstaklega á Stuðkví verkefnin hér.

Einnig eru tveir viðburðir á næstunni en það verður Fjölskyldukakókviss þann 15. október og skátamót á netinu, Jota-Joti, 16.-18. október. Hægt er að finna frekari upplýsingar um þessa viðburði hér.

Pössum upp á hvort annað og förum varlega. Skátakveðja heim til allra!

Ef það eruð með einhverjar spurningar eða ábendingar endilega hafið samband á landnemi@landnemi.is.

Til foreldra/forráðamanna drekaskáta:

Vegna óvissu í samfélaginu vegna Covid-19 höfum við tekið þá ákörðun að aflýsa drekaskátafundinum á morgun, miðvikudaginn 7. október.

Við sendum frá okkur frekari upplýsingar um starfið næstu vikur þegar málin skýrast betur.

Hér að neðan má finna fimm verkefni úr Stuðkví pakkanum sem var gefinn út af Bandalagi íslenskra skáta í vor. Við munum setja inn nokkrar færslur með fimm verkefnum sem skátarnir geta unnið heima. Ef skátarnir klára 10 verkefni, þá vinna þeir sér inn sérstakt Stuðkví merki! Við hvetjum alla til þess að finna sér verkefni, og þá sérstaklega dreka- og fálkaskáta, og vinna þau heima!

Til foreldra fálkaskáta:

Vegna óvissu í samfélaginu vegna Covid19, fellur fálkaskátafundurinn niður í dag.

Við sendum frá okkur frekari upplýsingar um starfið næstu vikur þegar málin skýrast betur.