Landnemar halda Fálkaskátadaginn 2024

Fálkaskátadagurinn var haldinn þann 2. nóvember, á 112 ára afmælisdegi skátastarfs á Íslandi. Landnemar voru gestgjafar dagsins og buðu fálkaskátum á landinu upp á dagskrá í heimabyggð Landnema. Um 100 fálkaskátar úr mörgum skátafélögum tóku þátt í Fálkaskátadeginum sem hófst á póstaleik í Öskjuhlíðinni þar sem skátarnir leystu ýmsar þrautir og endaði leikurinn á eldkeppni við Landnemaheimilið. Flokkurinn Ostasnakk úr Garðbúum stóð uppi sem sigurvegarar og hlaut að launum farandfánann Fálkakempur.

Eftir póstaleikinn var haldin kvöldvaka, boðið upp á kakó og kex en rúsínan í pylsuendanum var draugahúsið sem dróttskátar í Landnemum höfðu sett upp í skátaheimilinu.

Takk fyrir komuna öll!